Нийслэлийн таван дүүргийн 52 байршилд цахимаар газар өмчлүүлж, сонгогдсон иргэд газрын гэрчилгээгээ аваад буй. Тэгвэл Сонгинохайрхан дүүргийн 22 дугаар хороо Тахилтын хөндий буюу цахимаар өмчлүүлсэн тусгай пайз бүхий газарт иргэд зөвшөөрөлгүйгээр гэр барин төвхнөөд байгаа юм байна. Тэдгээр айлуудыг Нийслэлийн газрын  албанаас албадан нүүлгэжээ. Мөн тусгай заасан  байршлуудад хувийн компаниар кадастрын зураг  гаргуулж гэр байшин  барьсан тохиолдолд эрүүгийн хариуцлага тооцно гэдгийг Нийслэлийн газрын албанаас мэдээллээ.

Үүнээс гадна сүүлийн үед орон нутгаас шилжин  ирсэн иргэдэд бичиг баримт бүрэн гэж итгүүлээд бичиг баримтгүй, өмчлөх боломжгүй хоосон газар зарах залилангийн хэрэг нэлээдгүй гарах болсон байна.