Корей Бергмайн өөрийн эхнэр Эддагийн хамт Маями хотын “Joe DiMaggio” хүүхдийн эмнэлэгт өвчиндөө шаналан хэвтэж байгаа хүүхдүүдэд баяр хөөр инээмсэглэл бэлэглэхээр гитар тоглож өгдөг байна. Түүний “Хүүхдийн гитарын клуб” нэртэй ашгийн бус байгуулага нь 2010 оноос эхлэн үйл ажиллагааг явуулж эхэлсэн юм. Энэ жил гэхэд ойролцоогоор 80 гаруй эмнэлэгт 500-гаад хүүхдүүдэд гитар тоглож, ая дуугаа өргөн тэдэнд баяр хөөр бэлэглэсэн байна.

Тэрээр энэ сайн дурын үйл ажиллагаагаа явуулах болсон шалтгаанаа "2010 онд өөрийн хүүгээ вирусын халдварын улмаас алдсан тэр цагаас хойш өөрийн эхнэр Эддагийн хамт  Нью-Иоркоос Маями руу нүүж энэ ажилаа эхлүүлсэн юм. Бид ямар нэгэн өвчин шаналалын улмаас уйлж уйтгарлахгүй ээ. Харин бид нэг нэгэндээ баяр хөөр бэлэглэх болно" хэмээжээ.

Харин хүүхдүүд Бергмайны гитар тоглохыг хараад тэд ч мөн тоглохыг хүсэх болжээ. Харамсалтай нь гитар хүүхдүүд тоглоход хэтэрхий том байсан учраас тэд тоглож чадахгүй буцаад л ор руугаа очдог байжээ. Үүнийг ажиглаж мэдээд тэрээр хүүхдүүдэд зориулан жижиг гитар худалдан авч хоёр эмнэлэгт өгсөн байна.

Ийнхүү тэрээр эмнэлгүүд рүү таван гитарчдыг явуулдаг болжээ. Харин эмнэлэг дээр очсон гитарчид хүүхдүүдэд хэрхэн гитар тоглохыг зааж эхэлсэн байна. Ийнхүү хүүхдүүд маш их баярлан хөөрч гитар тоглодог болжээ. 2015 он дуусахад Бергмайн мянган хүүхдүүдэд хүрч тэдэнд инээмсэглэл баяр хөөр өгөхөөр зорилгоо болгон ажиллаж байгаа юм байна.