Нигери улсын Ондо хотод 14 хүн үл мэдэгдэх шалтгааны улмаас нас барлаа. Өвчтнүүдэд толгой хүчтэй өвдөх, хараа муудаж сохрох шинж тэмдэг илэрдэг талаар нутгийн оршин суугчид ярьсан байна. Энэ үл мэдэх өвчнөөр сүүлийн 10 хоногт ийнхүү 14 хүн үхээд байгаа ажээ. Нигери улсын баруун хойд хэсгийн Ондо мужид энэ өвчин анх гарч хүний амь үрэгдэхэд эмнэлгийн ажилтнууд Эбола вирусын эсрэг хувцас хэрэглэгдэхүүнийг ашиглан газар дээр нь ажиллаж байна. Эмч нар уг өвчний талаар “Эболагаас илүү аймшигтай, өвчний тархалтыг тодорхойлох аргагүй нууцлаг” гэж Daily Post мэдэгджээ.

Oндо мужийн Икале тосгоны оршин суугч Мэри Омогбехин “Бид санаа зовж байна. Манай ард түмэн мөхөж байна. Бид энэ өвчний талаар юу ч мэдэхгүй байна" хэмээн тус сонинд ярьжээ. Өөр нэг хүн "Бид амь насаа алдсан байна хүмүүс рүү ойртохоос ч айж байна. Би нас барсан 19 хүнийг тоолсон, зарим нь 14 гэж байна лээ. Бурхан биднийг өршөөгөөч” хэмээн ярьсан байна.

Дэлхийн эрүүл мэндийн байгууллага (ДЭМБ), Нигерийн Эрүүл мэндийн яам болон бусад эрүүл мэндийн байгууллагууд өвчнийг илрүүлэх, тархацыг судлах талаар хамтран ажиллахаар болоод байгаа ажээ.