Монголын жүжигчдийн чансааг дэлхийд таниулж харуулсан жүжигчин бол Р.Анхням юм. Түүний тоглосон “Чонон сүлд” кино Азийн төдийгүй дэлхийн хэмжээний бүтээл болж олон арван улсын дэлгэцнээ гарч үзэгчдийг байлдан дагуулсаар байгаа билээ.  Яг энэ цаг үед Монгол Улсын Ерөнхийлөгчийн зарлигаар Р.Анхням Алтангадас одонгоор энгэрээ мялаажээ. Тэрээр “Алтангадас одонгоор шагнаж итгэл хvлээлгэсэнд баярлалаа. Цаашид улам ихийг хийх болно” гэсэн юм.