Бид өдөр бүр хийх боломжтой эдгээр энгийн зүйлсэд ердөө ганц минут хүрэхгүй хугацаа зарцуулна. Гэхдээ энэ нь таны эрүүл мэндэд ямар тустайг эмч, эрдэмтэд дуу нэгтэйгээр зөвшөөрч, амьдралдаа хэрэгжүүлэхийг зөвлөж байна.

Тэврэх

Хэн нэгнийг тэврэхэд тийм удаан хугацаа зарцуулагдахгүй. Тэвэрснээр аз жаргалыг мэдэрч, ядаргаа тайлагдан, цусны даралт, зүрхний хэмнэл буурдаг.

Инээх

Инээх шиг сайн эм байдаггүй. Инээх нь байгалийн стресс бууруулдаг эм юм.

Хар шоколад идэх

Шоколаданд агуулагддаг какао зүрхийг хамгаалж, цусны "муу" эсүүдийг бууруулж "сайн" эсүүдийг эрчимжүүлдэг ач тустай. Мөн чихрийн шижин өвчнөөс сэргийлж, арьс хамгаалдаг.

Өөдрөг үзэл

Аливаа юмыг өөдрөгөөр харах нь зүрх болон мэдрэлийн системийн ажиллагаанд тустай байдаг.

Дэлгэцнээс өөр юм хар

Та өдрийг зурагт, комьпютер, гар утасны дэлгэц ширтсээр өнгөрөөж байна уу? Тэгвэл 20 минут тутамд 20 секунд цонхоор харах, алсын барааг ширтэх нь таны нүдний хараанд сайнаар нөлөөлдөг. 

Гараа угаа

Үүнд ердөө 20-хон секунд хангалттай. Гараа байнга угаадаг хүмүүс 31 хувь өвчин тусах магадлал бага байдаг.

Суудлын бүсээ зүү

Суудлын бүс зүүхээр тухгүй байдаг гэж зарим хүмүүс ярьдаг. Суудлын бүс зүүгээд сурчихсан хүмүүс бүсээ зүүхгүй бол тухгүй мэдрэмж төрдөг гэж ярьдаг. Та бүсээ зүүгээд сурчихвал машины золгүй ослоос 87 хувь хамгаалагдаж байна гэсэн үг юм.

"Хүүхдийн байрлал" дасгал

Иогийн хамгийн чухал байрлал. Боломжтой бол өдөрт ганц минут энэ дасгалыг хийгээрэй. Таны бие хөших, нуруу, хүзүүний өвчнөөс сэргийлнэ.

Нарны тос түрх

Сүүлийн жилүүдэд нарны шууд тусгалаас болж олон сая хүн арьсны өвчин, хорт хавдар тусч байна. Нарны тос түрхэхэд таниас минут хүрэхгүй хугацаа шаардана шүү дээ.

Банз байрлал

Энэ дасгалыг өдөрт ганцхан минут хийж байгаарай. Нурууны, үе мөчний өвчинд тустай.

Инээмсэглэ

Байнга инээмсэглэж явдаг хүмүүс бусдаас урт насалдгийг 2010 онд хийсэн судалгаагаар нотолсон. Инээмсэглэх нь тийм ч хэцүү зүйл биш шүү дээ.