Хятадын газрын тосны хамгийн том төрийн мэдлийн компани болох “ПетроЧайна” компанийн дарга асан Цзян Цземинийг шүүх хурал 4 дүгээр сарын 13-ны даваа гарагт эхэллээ. Тэрээр тус компанийн захирлаас гадна Улсын хөрөнгөнд хяналт тавих газрын даргын албыг хашиж байсан юм. Түүнийг эрх мэдлээ урвуулан ашигласан, авлига авсан хэмээн буруутган шүүж байна.

Хятадын прокурор Цзян Цземинийг эхнэрээрээ дамжуулан 2004-2013 оны хооронд их хэмжээний авлига авсан гэж буруутгасан талаар “Синьхуа” агентлаг мэдээлсэн байна. Ханьцзян мужийн Ардын шүүх хурал дээр Цзян Цземинь “Албан тушаалаа ашиглан их хэмжээний орлого олж, авлига авсандаа ичиж байна” хэмээн буруугаа хүлээсэн байна.

Түүнийг 2013 оны 9 дүгээр сард баривчлаад байсан билээ. Шүүхээс түүнд цаазаар авах, эсвэл бүх насаар нь хорих шийтгэл оногдуулах бололтой.