Монгол Улсын Хил хамгаалах байгууллагын албаны нохойн сургалт сүүлийн жилүүдэд эрчимтэй хөгжиж байна. Тиймээс ч ОХУ-аас ХАБА-ны Хилийн нохой сургалтын төвийн давтан бэлтгэх дамжааны ахлах багш, хошууч Карташев Л.И, ахлах ахлагч Прошутинский Р.В нар манай улсад дөрөвдүгээр сарын 15-ны өдөр хүрэлцэн ирлээ. Эдгээр албаны нохой сургагч нар ХХБ-ын Баянчандмань дахь сургалт бэлтгэлийн цогцолборт нохойн сургалтыг харуулын, эрлийн чиглэлээр албаны нохойг нэг сарын хугацаатай бэлтгэхээр төлөвлөсөн бөгөөд энэ удаагийн сургалтад нийт 32 нохой сургагч хамрагдах юм.