Өчигдөр өдөр Дархан-Уул аймгийн Шарын гол сумын Зэвгийн нуур гэдэг газар иргэн  Э /56 настай, эрэгтэй/ дугуйтай явж байгаад сураггүй алга болжээ. Түүнийг тус  аймгийн онцгой байдлын газрын тус суман дахь Аврах, гал унтраах 55 дугаар ангийн захирагчаар ахлуулсан таван албан хаагч, нэг автомашинтай эрэн хайж байна.

Үүний зэрэгцээ энэ сарын 11-ний өдөр Сэлэнгэ аймгийн Хүдэр сумын Баянцагаан багийн нутаг “Хатант” гэдэг газар иргэн Б /37 настай, эрэгтэй/  самар түүж яваад сураггүй болсныг тус аймгийн Онцгой байдлын газрын найман албан хаагч, орон нутгийн дөрвөн иргэний хамт эрлийн ажиллагааг зохион байгуулж хайсаар байна.