Засгийн газрын өчигдрийн хуралдаанаар хэд хэдэн томилгоог хийсэн байна. Үүнд ИНЕГ-ын даргын үүрэг гүйцэтгэгч Т.Лхагвасүрэнг чөлөөлж оронд нь Ц.Эрдэнбилэгийг түр орлон гүйцэтгэгчээр, татан буугдаад байсан Боомтын нэгдсэн захиргааны дэд дарга Д.Бэхбатыг Гаалийн Ерөнхий газрын дэд даргаар томилжээ. Харин өөрийн саналаар ажлаас чөлөөлөгдөх хүсэлт гаргасан Худалдан авах ажиллагааны газрын дарга Д.Энхжаргалын хүсэлтийг Засгийн газар хүлээн авчээ. Түүний оронд хүн томилоогүй юм байна.