ОХУ-ын Сибирьт их түймэр дэгдээд байна. Хамгийн ноцтой тоймэр бол Хакасын автономит тойрогт дэгдсэн түймэр юм. Уг түймрийн улмаас наад зах нь 15 хүн амь насаа алдаж 1200 айлын байшин шатаж, 393 хүн түлэгдэж гэмтсэн тухай бүс нутгийн захиргаанаас мэдээлжээ.

Өвс шатааж байсан фермерүүд гал алдаж хүчтэй салхины улмаас ийнхүү хавь ойрыг түймэр бүчин авсан байна.  Хакасд Москвагаас Онцгой байдлын албаны хүмүүс нисдэг тэргээр очин газар дээр нь байдалтай танилжээ. Одоогоор 6000 гал сөнөөгч түймэрт өртөөд буй 38 тосгонд ажиллаж байгаа юм. Тус бүс нутгийн тэргүүн Виктор Зимин телевизээр хэлсэн үгэндээ “Галд өртсөн тосгонуудад орон сууц барихад наад зах нь 5 тэрбум рубль (94 сая ам.доллар) шаардлагатай гэж онцолжээ.

Өнөөдрийн байдлаар Сибирийн Приморийн хязгаарт гарсан галыг цурманд оруулсан бол Буриад, Транс-Байгаль нуурын бүсд ой мод шатсаар байгаа юм.