Өнөөдөр АНУ-ын Эрчим хүчний яам өөртөө зориулан дэлхийн хамгийн хурдан супер компьютер хийхээр болсноо зарлалаа. Үүний өртөг нь 200 сая ам.доллар болно хэмээн мэдэгдсэн байна. Иллинойс мужийн Чикаго хотоос баруун зүгт 40 км зайтай байрлах АНУ-ын Аргоннын үндэсний лабораторид /Argonne National Laboratory/ уг “Аврора” нэртэй супер компьютерыг бүтээх бөгөөд хамгийн хүчирхэг “цахим тархи” байх болно хэмээжээ.

Уг компьютерийн хурд нь өнөөдрийн хэрэглээнд буй аналог системээс даруй 5-7 дахин хурдан байна гэж таамаглаж байгаа ажээ. Сэргээгдэх эрчим хүч, биологийн судалгаанд ашиглах уг супер компьютер 2019 онд ашиглалтад орох гэнэ.