Хэдий чинээ намхан байна төдий чинээ зүрхний асуудалтай байдаг гэж Leicester Их Сургуулийн эрдэмтэд судалж тогтоожээ. 200 мянган хүн дээр өндөр намын ДНК-ийн судалгааны үр дүн ийм гарчээ. 6,4 см тутамд зүрхний асуудал 13,5 хувийн магадлалаар ихэсч байсан байна.

Анх намхан хүмүүс зүрхний шигдээсээр илүү их нас бардаг гэсэн таамгийг 50-иад жилийн өмнө дэвшүүлж байж. Гэхдээ яагаад гэдгийг нь мэдээгүй. Намхан хүмүүс нь багадаа хоол тэжээл муутай байснаас намхан болж, улмаар зүрхний шигдээстэй болдог байсан гэж үзэж байжээ.

Гэвч нууц нь тэдний ДНК-д байсныг нээсэн байна. 150 см өндөртэй хүн, 180 см өндөртэй хүмүүсийн зүрхний эмгэг 64 хувийн ялгаатай байв. Өндөр болохыг тасалдаг ген нь цусан дахь холестрин, өөхийг нэмэгдүүлдэг гэж тогтоожээ. Харин өндрийн ген нь өндөр болгохоос гадна судасыг давхар хөгжүүлдэг гэж таамаглаж байгаа юм байна.

Гэхдээ өндөр хүмүүс баярлах хэрэггүй гэнэ. Учир нь өндөр хүн хавдартай болох магадлал илүү байдаг тухай Leicester Их Сургуулийн эрдэмтэд мөн хэлсэн юм.