Өчигдөр буюу 4 дүгээр сарын 7-ны өдрийн 14:00 цагт БГД-ийн “Хүрээ тулга” бүрэн дунд сургуулийн хүүхдүүдийн дунд хордлого бүртгэгдсэн талаар мэдээлсэн байна. 160 хүүхэд, 9 багш ажилчдыг асуумж судалгаанд хамруулсан ба 69 хүнд эмнэлзүйн шинж тэмдэг (бөөлжих, дотор муухайрах, гэдэс базлах, суулгах, ам цангах, хөлрөх зэрэг) илэрч, 3 хүн ХӨСҮТ-д хэвтэн эмчлэгдэж байна. 53 хүнээс лабораторийн шинжилгээнд сорьц цуглуулж, лабораторийн шинжилгээ болон тархварзүйн судалгаа үргэлжилж байна.

ЭМСЯ-наас эрүүл зөв хоололт, хүнсний аюулгүй байдлын талаар зөвлөмж хүргэж байна.