Хэнтий аймгийн Цэнхэрмандал сумын Нугаар багийн нутаг “Бэрхийн булан” гэдэг газар нийслэлийн Багануур дүүргийн харьяат иргэн Б /55 настай, эрэгтэй/ нь автомашинтайгаа сураггүй болсон тухай өмнө нь мэдээлсэн. Аврагч нар Хэрлэн голын мөсөнд цөмөрсөн байдалтай машинийг нь олж жолоочийг усанд эндсэн байж магадгүй хэмээн голын мөсийг 50 метр хуулан эрэн хайх ажиллагааг явуулж байсан. Харамсалтай нь талийгаачийн цогцсыг 4 дүээр сарын 7-ны өдрийн 13:46 цагт тус багийн нутаг “Буурлын булан” хэмээх газар Хэрлэн голын аралд нас барсан байсныг олжээ. Цогцсыг Багануур дүүргийн Цагдаагийн хэлтсийн бүрэлдэхүүнд хүлээлгэн өгсөн байна.