АНУ-ын Өмнөд Каролина мужид цагаан арьст цагдаа хар арьст залууг буудсан бичлэг интернетэд тавигдсанаар цагдаа гэмгүй, зэвсэггүй хүн алсан хэргээр баривчлагдлаа. 33 настай цагдаагийн ажилтан Michael Slager түүний гарт амиа алдсан 50 настай Walter Scott-ийн машины арын гэрэл асахгүй байснаас зогсоосноос болж хамаг хэрэг эхэлжээ. Walter Scott гэр бүлийн шүүхийн асуудалтай байсан учир зугатсан байна. Цагдаа түүний араас хөөж 8 удаа буудаж унагажээ. Дараа нь цагдаа "Гал нээсэн. Субьект унасан. Тэр миний цахилгаан бороохойг авсан" гэж богино дамжуулагчаар ярьжээ.