Хэнтий аймгийн Цэнхэр мандал сумын нутаг Ар хүйтэн гэдэг газарт Багануур дүүргийн иргэн 55 настай, эрэгтэй УАЗ-469 автомашинтай төөрсөн гэсэн мэдээллийн дагуу  Багануур дүүргийн Онцгой байдлын хэлтсийн бие бүрэлдэхүүн 3 хэсэгт эрэн хайх ажиллагааг үргэлжлүүлж байна. Өчигдөр Хэнтий аймгийн Цэнхэр мандал сумын нутаг “Бэрхийн булан” гэдэг газарт 5 албан хаагч, орон нутгийн 9 иргэний хамт  2 автомашинтай бүлэг Ар хүйтний ам руу чиглэлтэй эрэн хайх ажиллагааг  22:15 цаг хүртэл  хийсэн байна.

Сураггүй болсон иргэний автомашин Бэрхийн булан гэдэг газар  Хэрлэн голоос  цөмөрсөн байдалтай олдсоныг голоос татаж гаргаж, усанд осолдсон байж болзошгүй тул нийслэлийн Аврах ангийн 6 усчин аврагчид автомашин олдсон голын хэсэгт 50 метр мөсийг хуулан шумбалт хийж эрэн хайж байна.