Хууль зүйн сайд асан Х.Тэмүүжинтэй хүртэл нэр холбогдож эцэстээ ямар ч хамааралгүй болж хувирсан Г.Сарангэрэл 4 дүээр сарын 3-ны өдөр хорих 407 дугаар ангиас суллагджээ. Тэрээр өөрийг нь олон нийтэд “Биеэ үнэлэгч, хар тамхичин” хэмээн зарлаж нэр төрийг нь гутаасан хэмээн УИХ-ын гишүүн О.Баасанхүүг шүүхэд өгч нэг тэрбум төгрөг нэхэмжилсэн ч хэргийг хэрэгсэхгүй болгосон билээ. Шоронгоос суллагдсан тэрээр дахин гишүүнийг шүүхэд өгч нэр төрөө сэргээлгэх бодолтой байгаа ажээ. Эрх чөлөөгөө хасуулан шоронд жилийн хугацааг үдсэн Г.Сарангэрэл хоригдож байх үедээ хуулийн сургуульд суралцана хэмээн шийдсэн гэнэ. Хуулийн мэргэжил эзэмшээд тэрээр нэр төрд халдсан хүмүүстэй хариуцлага тооцох бодолтой байгаа ажээ.