БНХАУ прокурорын газраас өнөөдөр албан ёсоор мэдээлэл хийлээ. Тэд Хятадын Аюулгүй байдлын албаны дарга асан Жоу Юнканыг албан тушаалг эрх мэдлээ урвуулан ашигласан, авлига авсан, улсын нууц задруулсан хэрэгт буруутгаж хэргийг нь Тианжин хотын шүүхэд шилжүүлжээ. 2012 онд Аюулгүйн албаны даргын албаас буусан Жоу Юнканыг сүүлийн 10 жилийн турш нууцаар мөрдөн шалгаж байсан бөгөөд 2014 оны 12 дугаар сарын 5-нд ХКН түүнийг баривчилснаа албан ёсоор мэдэгдсэн юм.

Жоу Юнкан нь 2003-2007 онд БНХАУ-ын Нийгмийг аюулаас хамгаалахын сайдаар, 2007-2012 онд ХКН-ын Улс төрийн товчооны Байнгын хорооны гишүүнээр ажиллахдаа Аюулгүй байдлын алба болон шүүхийг давхар хариуцдаг байжээ.

Жоу Юнканы гэр бүл, ойрын хамаатан, ажил төрлийн түнш зэрэг 300 гаруй хүнийг хорьж саатуулсан байна.  Хятадын эрх баригчид тэднээс 14.5 тэрбум ам.доллар буюу 90 тэрбум юанийн хөрөнгийг хураасан байна.  Дашрамд дурдахад 2014 онд БНХАУ-ын Ардын дээд шүүх 44 мянган хүн авлига, хээл хахууль, төрийн өмч шамшигдуулсан хэргээр ял авчээ.