Та дугуйн дээрх олон бичгүүдийг юу юм бол гэж гайхаж байсан уу?  Хэрвээ та дугуй худалдаж авах гэж байгаа бол доорх тайлбарыг хараад ямар дугуй авахаа сонгоорой.

Үйлдвэрлэгчийн нэр

Дугуйн дээр томоор бичигдсэн байдаг. Жишээ нь: Hankook, Michelin, Goodyear г.м

• Зарим дугуй зөвхөн дугуйныхаа нэрийг бичсэн байдаг. Жишээ нь: Goodyear үйлдвэрийн Eagle F1 GS-D3, Hankook үйлдвэрийн Ventus үйлдвэрийн R-S2 Z212, Kumho үйлдвэрийн Ecsta MX г.м

Зориулалт

Зориулалтын тайлбар нь бүх дугуйн дээр байдаггүй. Ихэнхдээ нэрнийх нь араас залгуулан бичдэг. Эхний үсгүүд нь "P," "LT," "ST,""T." гэж байдаг.

• "P" суудлын машинд зориулагдсан. "LT" жижиг оврын ачааны машинд зориулагдсан. "ST" чиргүүлэнд зориулагдсан. "T" запас дугуйнд зориулагдсан. "BP" гоёлын зориулалтаар ашиглах.

Дугуйны өргөн, аспект харьцаа

Зориулалтын араас тоонууд ордог.

• Эхний гурван оронтой тоо бол дугуйны өргөний миллиметрийн хэмжээ юм. Ихэнхдээ 155-315-ын хооронд байдаг. Аспект харьцаа буюу өндрийг өргөнд хуваагаад 100-д үржүүлсэнтэй тэнцэнэ. (өндөр/өргөн)x100. Ихэнхдээ 55-75-ын хооронд байдаг.

Үйлдвэрийн стандарт

Аспек харьцааны араас "R," тэмдэг байдаг. Энэ бол үйлдвэрээс суудлын машинд зориулагдсан гэсэн стандарт тэмдэг юм. Зарим том машины дугуйн дээр "B" тэмдэгт бий. Үйлдвэр, уурхайн зориулалттай ашиглаж болох хатуу дугуйнууд байдаг.

Обудны диаметр

Үйлдвэрийн стандартын тэмдэгтийн араас орох тоо. Таны машины обудад ямар дугуй таарах эсэхийг үүгээр харж болно.

Дугуйны даац

Энэ тоо бол маш чухал. Дугуй хичнээн хэмжээний хүнд жин дааж чадах эсэхийг мэдэж болно. Тоо ихсэх тусам илүү хүнд даацтай болно.

Анхаар! Та машиныхаа дугуйг солих бол даацынх нь хэмжээг багасгаж огтхон ч болохгүй. Даацыг доорх хүснэгтээс харна уу.

Хурдны үнэлгээ

Даацны араас хурдны хязгаарлалтын тэмдэг байдаг. S, T, U, H, V, Z, W, Y, (Y) гэсэн тэмдэгтүүд бий.

S тэмдэгттэй бол 180 км/ц хүртэл

T тэмдэгттэй бол 190 км/ц хүртэл

U тэмдэгттэй бол 200 км/ц хүртэл

H тэмдэгттэй бол 210 км/ц хүртэл

V тэмдэгттэй бол 240 км/ц хүртэл

Z тэмдэгттэй бол 240 км/ц хүртэл

W тэмдэгттэй бол 270 км/ц хүртэл

Y тэмдэгттэй бол 299 км/ц хүртэл хүртэл хурдлах хязгаартай гэсэн үг.

Температура үзүүлэлт

Дугуйны өндөр хурдны эргэлтээс халах халууны хэмийн эсэргүүцлийн үзүүлэлтийг заадаг.

A, B, C тэмдэгтүүд байдаг. A - сайн B - дундаж C - доогуур

Тээвэрлэлтийн Газрын тэмдэглэсэн тэмдэгт

Дугуйны хийн даралт

Дугуйн хий ихдээ хэд байх боломжтойг үзүүлдэг.

эх сурвалж: wikihow.com