АНУ-ын Нью-Жерси мужид цэргийн дэлхийн аварга шалгаруулах чөлөөт бөхийн тэмцээнд оролцож буй монголын бөхчүүд хоёр алт, гурван мөнгө, нэг хүрэл медаль хүртлээ. Тэмцээний эхний өдөр эрэгтэйчүүдийн 61 кг-ийн жинд зодоглосон ОУХМ Н.Лхамгармаа, 70 кг-д барилдсан гавьяат тамирчин Г.Мандахнаран нар аваргалж, алтан медаль хүртэн төрийн дуулалаа эгшиглүүлэв.

Мөн 57 кг-д барилдсан Д.Цогтбаатар мөнгө, 65 кг-д хүч үзсэн Б.Батмагнай хүрэл, эмэгтэйчүүдийн 48 кг-д барилдсан Ц.Бямбазаяа, 58 кг-д зодоглосон Д.Орхон нар мөнгөн медаль хүртэж нутаг нэгтнүүдээ баярлуулсан юм. Тэмцээн даваа гариг хүртэл үргэлжилнэ.

                                                                                                                                  Г.Золзаяа