Туркийн тусгай албаны дайчид ажлынхаа өрөөнд хоёр үл мэдэх этгээдэд барьцаалагдаад байсан прокурор Мехмета Селима Киразаг суллах ажиллагааг өчигдөр үдээс хойш явуулжээ. Өчигдөр өглөө түүний өрөө рүү галт зэвсгээр зэвсэглэсэн хоёр этгээд дайран орж түүнийг барьцаалснаа мэдэгдээд байсан юм. Станбул хотын прокурор Мехмета Селима Кираза нь Засгийн газрын эсрэг жагсаалын үеэр амиа алдсан 15 настай хүүгийн хэрэг дээр ажиллаж байсан юм.

Зургаан цагийн турш барьцаалагчидтай хэлэлцээр хийсэн ч үр дүнд хүрээгүй учраас цагдаа нар дайран орсон юм. Энэхүү ажиллагаагаар зэвсэгт этгээдүүдийг устгасан бөгөөд тэд “Ардын хувьсгалын Чөлөөлөх Фронт”-ын дайчид байжээ.

Харамсалтай нь прокурорыг чөлөөлөх үеэр зэвсэгт этгээдүүд түүний толгой руу гурав, цээж рүү нь хоёр удаа буудаж амжжээ. Хүнд шархадсан прокурорыг эмнэлэгт аваачсан ч сэхэл авалгүй байсаар нас барсан байна.