Дэлхийн хамгийн өндөр настан, япон эмэгтэй Misao Okawa өнөөдөр лхагва гарагт буюу 4 дүгээр сарын 1-нд нас барсан тухай тус улсын мэдээллийн агентлагаас дамжууллаа. Тэрээр хэдхэн долоо хоногийн өмнө 117 насныхаа төрсөн өдрийг тэмдэглэж байсан юм.

Misao Okawa зүрхний дутагдалаар нас барсан байна. Түүний хамаатан саднууд, сувилагч эмч нь нас барах үед дэргэд нь байжээ. Тэд “Misao Okawa зүгээр л унтаж байгаа юм шиг амар тайвны оронд одсон” хэмээн ярьжээ.

Misao Okawa 1898 оны гуравдугаар сарын 5-нд Осака хотод мэндэлжээ.  Түүнийг хамгийн өндөр натай хүн хэмээн 2013 онд Гиннесийн номонд бүртгэсэн юм. Ийнхүү тэрээр нас барснаар Гиннесийн уг амжилтыг даруй шинэчлэх үйл явц эхэлсэн байна.

Misao Okawa 1919 онд Юкиотой гэрлэж хоёр охин, нэг хүүтэй болжээ. Түүний нөхөр 1931 онд нас барсан бол өдгөө дөрвөн ач, зээ, зургаан гуч, зээнцэр нь амьд сэрүүн байна.