Хүүхдийг зам тээврийн ослоос урьдчилан сэргийлэх, Замын хөдөлгөөний дүрмийн мэдлэг, дадал олгох, хууль, дүрмийн хэрэгжилтийг хангуулах, замын хөдөлгөөнд оролцогчдын сахилга, соёлыг дээшлүүлэх зорилгоор Улаанбаатар хотын Замын цагдаагийн газраас “Хүүхдийн дуу хоолой” facebook хуудас нээгээд байна. Иргэд, та бүхэн үр хүүхдүүдтэйгээ тус facebook хуудсаар зочлон байнгын найзууд байж хамтран зам тээврийн ослоос урьдчилан сэргийлэхийг тус газраас уриалжээ.

Та “Хүүхдийн дуу хоолой” facebook хуудсанд нэгдсэнээр жил бүр зам тээврийн ослоор амиа алдаж, гэмтэж бэртэж буй хүүхдийн тоог бууруулах, балчир үрсээ аюул ослоос хамгаалахад өөрийн жинтэй хувь нэмрийг оруулж буй хэрэг болно.