Сэлэнгэ аймгийн Мандал сумын Баянсуудал багийн “Зүүн-Энгэр” гэдэг газар нутагладаг малчин А /33 настай, эрэгтэй/ 2015 оны 3 дугаар сарын 29-ны өдрийн 23:00 цагт гэрээсээ гараад өнөөг хүртэл сураггүй байна. Тус аймгийн Онцгой байдлын газар уг дуудлагыг 30-ны өдрийн 20:33 цагт хүлээн авч өөрсдийн зургаан албан хаагч, Цагдаагийн хэлтсийн дөрвөн албан хаагчийн хамт эрэн хайх ажиллагааг зохион байгуулж байгаа ч өнөө өглөөний байдлаар иргэн А-г олоогүй байгаа ажээ.