Холливудын алдарт жүжигчин Харрисон Форд гурван долоо хоногийн турш эмнэлэгт хэвтэж эмчлүүлэн эмнэлгээс гарлаа. Тэрээр 21 хоногийн өмнө өөрийн эзэмшлийн ганц хөдөлгүүртэй онгоцоор нисч байх үедээ осолдож олон тооны гэмтэл авсан юм. Лос Анжелес хотын ойролцоо Харисон Фордын хөлөглөж явсан онгоцны моторт эвдрэл гарахад тэрээр тус хотын захын дүүрэгт байх гольфын талбайд газардсан билээ.

Газардах үед онгоц дахин ашиглагдах аргагүй болтлоо эвдэрч тэрээр хүнд бэртэл авсан юм. Азаар бэртэл амь наснаас холуур байж Харисон Форд ийнхүү эмнэлгээс гарчээ. Тэрээр энэ жил 73 нас хүрч байгаа билээ.