Германаас сургуулийн 12 сурагч, нийт 70 эмэгтэй Исламын улсад нэгдэхээр эх орноосоо Сири рүү явсан гэж Германы дотоодын тагнуулын алба (BFV) мэдээллээ. Zeit Online сайтын сэтгүүлч Hans-Georg Maassen-ний мэдээлснээр тэдгээр эмэгтэйчүүдийн 40 хувь нь 25-аас доош насныхан гэжээ. Жихадистууд өөрсдийн блог болон форум сайтуудаар суртал ухуулга хийж эмэгтэйчүүдтэй холбоо тогтоон тэднийг урвуулж байна гэж BFV-ийн дарга хэлжээ. Тэд интернэтээр жихад хүнтэй сууж аз жаргалтай амьдрах талаар "романтик" ухуулга хийдэг ч очсон эмэгтэйчүүд бүгд пасспорт, утсаа хураалган хоригддог гэж дурджээ. Тэдний ухуулгад хууртаж байгаа эмэгтэйчүүд ядуу амьдралтай, боловсролгүй байдаг гэжээ.

Нийт 650 герман иргэн Исламын улс руу нэвтэрсэн ба тэдний 200 нь буцаж иржээ. Эдгээр 200 хүнийг аюулгүй байдлын үүднээс нарийн хяналтад байлгадаг гэж Германы үндэсний аюулгүй байдлын албаныхан мэдээлсэн байна