Нэгэн үе үндэсний бөхийн дэвжээг уран, хурц барилдаанаараа чимж явсан, гүндүүгүй, элдэв маяггүй төрх, давсан ч, унасан ч инээж л байдаг зан, “том” нэртэй, Монгол Улсын үндэсний бөхийн гарьд, гавьяат тамирчин Пунцагийн Сүхбат 3-р сарын 29-нд зуурдаар нас баржээ.

Түүний спортод гаргасан амжилтуудаас:

Үндэсний бөх

• 1988 онд 6 давж улсын начин цол хүртсэн
• 1989 онд 6 давсан
• 1990 онд 7 давж улсын заан болов
• 1991 онд 8 давж үзүүрлэсэн
• 1992 онд 6 давсан
• 1993 онд 6 давсан
• 1994 онд 6 давсан
• 1997 онд 5 давж шөвгөрчээ

Чөлөөт бөх

• Дэлхийн аварга шалгаруулах тэмцээний хүрэл медаль (1990 - Токио)
• Зуны олимпийн 4, 5-р байрын шагнал (1992 - Барселона, 1988 - Сөүл)
• Азийн наадмын аварга (1990 - Бээжин)

Монгол Улсын гарьд, гавьяат тамирчин П.Сүхбатын гэгээн дүр, сайхан инээмсэглэл, гүндүүгүй зан ааш, эелдэг даруу сэтгэл, бахдам амжилт нь монголчуудын сэтгэлд үүрд хоногшин үлдэх болно. Ум сайн амгалан болтугай.