ОХУ-д албан ёсоор бүртгэлтэй ажилгүйчүүдийн тоо нэг сая давсан талаар ОХУ-ын Хөдөлмөрийн сайд Максим Toпилин мэдэгдлээ.

Тэрээр “Манай улсад 3 дугаар сарын 17-ны өдрийн байдлаар ажилгүй 1.145.000 хүн байна. Энэ бол мэдээж аз жаргалтай байгаа явдал биш" хэмээн хэлсэн юм.

Хөдөлмөрийн сайд М.Топилин хөдөлмөрийн зах зээл гэнэтийн хямралд өртсөн гэж үзэхгүй байгаагаа яриандаа дурджээ.  ОХУ-ын Засгийн газар Самар, Татарстан, Tвер, Алтай гэсэн дөрвөн бүс нутагт хөдөлмөрийн зах зээлийг дэмжих зорилгоор 2 тэрбум рубль зарцуулахаар зэхээд байгаа ажээ.