Францын Альпд осолдсон Germanwings компанийн онгоцны туслах нисгэгч ослын буруутан  байж болзошгүй талаар мэдээлэл өчигдөр цацагдсан. Хар хайрцагийг шалгасан шинжээчид  түүнийг ямар нэгэн шашны эсвэл амиа хорлох үүднээс ийм алхам хийгээгүй гэж дүгнээд  буй. Тэгвэл туслах нисгэгч Andreas Lubitz-ийг эрүүл мэндийн хувьд ажилдаа тохирохгүй гэдгээ ажил олгогчдоосоо нууж байсан гэж шинжээчид  үзэж байна. Шинжээчид Германы Dusseldorf дахь албан өрөөий хогийн савнаас нь түүнийг эрүүл  мэндийн хувьд нисгэгч хийхэд тохирохгүй гэсэн бичиг олсон бөгөөд бичгийг тасдаж урсан байжээ. Өөр нэгэн эх сурвалжид түүнийг мэдрэлийн  төрлийн өвчинтэйгээ оношлуулж мэдсэн ч үүнийгээ ажил олгогчдоосоо нуусан гэж мэдээлсэн байв. Dusseldorf хотын эмнэлэгт тэрээр сүүлийн 17  хоногт 2  ч удаа оношоо тодруулахаар очсон байна. Эмч нар түүнд түүний өвчин сэтгэл гутралаас үүдээгүй өөр өвчин  гэж хэлсэн ч тэрээр тоогоогүй бололтой.

Түүний албан өрөөний бүх бичиг баримтыг шалгахад  санаатай үйлдлээр осол хийсэн гэж үзэх баримт  одоогоор олдоогүй байна.  
Туслах нисгэгч бүхээгт ганцаар үлдсэний дараа онгоц 11,6км өндөр дээрээс 8 минутын  хугацаанд доошилсон юм. Энэ үед Lubitz-ийн амьсгалах, хүмүүсийн тасралтгүй орилох дуу хар хайрцагт бичигджээ.

“Lufthansa” компани 2013 онд түүнийг ажилд авах үедээ эрүүл  мэнд болон физиологийн шалгалтад оруулсан бөгөөд тухайн үед  ямар нэгэн өвчин  илрээгүй байна.