“Toyota Motor” компани 2020 он гэхэд 5 сая автомашин үйлдвэрлэж, дэлхийн авто машины борлуулалтын тэн хагасыг эзлэх төлөвлөгөөг хэрэгжүүлэх үйлдвэрлэлийн шинэ арга боловсруулснаа мэдэгдлээ.

“Тoyota” 2012 оноос эхэлж шинэ загвар дээр ажиллаж эхэлсэн бөгөөд ингэхдээ янз бүрийн загварын явцад ашиглах эд анги, модулийн тоог бууруулах замаар үйл ажиллагаагаа оновчтой болгох гэж оролдож байсан юм. Энэ ажлын үр дүнд автомашин үйлдвэрлэх хугацааг 20 гаруй хувиар багасгах боломж бүрдсэн билээ.

Тус компанийн дэд ерөнхийлөгч Mitsuhisa Kato “Toyota компани илүү сайн машин үйлдвэрлэх гэж өдий  хүртэлх хугацааг зарцууллаа” хэмээн Пүрэв гарагт хэлсэн юм.

Шинээр батлагдсан хөдөлгүүрийн хүч нь одоогийн загвартэй харьцуулахад 15 гаруй хувиар хүчтэй, шатахууны зарцуулалт нь 25 хувийн хэмнэлттэй, илүү авсаархан, ашиглалт нь 15 хувиар сайжирсан ажээ.