Өчигдөр буюу 2015 оны 3 дугаар сарын 26-ны өдрийн 10:56 цагт Дархан-Уул аймгийн Дархан сумын 15 дугаар багийн “Мангирт” 10 дугаар хэсгийн 1 дүгээр гудамжийн 135 тоотод иргэн Н-ийн дөрвөн ханатай гэр шатаж байна гэсэн дуудлагыг Аврах, гал унтраах 22 дугаар анги хүлээн авч 6 албан хаагч, 1 техник хэрэгсэлтэйгээр ажиллаж унтраасан байна. Уг галд иргэн Н /26 настай, эрэгтэй/ угаартсан байсныг гаргаж аймгийн Яаралтай түргэн тусламжийн төвд хэвтүүлжээ. Харамсалтай нь түүнтэй хамт байсан иргэн О /25 настай, эмэгтэй/ угаартаж нас барсан байна. Онцгой байдлын албан хаагч нар цогцсыг аймгийн Цагдаагийн газрын жижүүрийн бүрэлдэхүүнд хүлээлгэн өгчээ.