Онгоцоо албаар сөнөөсөн  гэж буруутгагдаад буй Andreas Lubitz бага байхаасаа онгоцны нисгэгч болохоор бэлтгэгдэж байжээ. Тэрээр анх Германы жижиг хот Montabaur-д нисгэгчийн клубд элссэнээр мэргэжлийн нисгэгч болох гараагаа эхэлжээ. Түүнийг хөршүүд нь ажилдаа маш их дуртай, "дуугүй" гэхдээ "хөгжилтэй" гэж тодорхойлсон байна.

Сан Франциско хотын "Golden Gate Bridge"-ийн өмнө инээмсэглэж суугаа зургийг түүний Facebook-ээс авчээ.

Гэвч 3-р сарын 27-нд 27 настай Andreas Lubitz карьер хараар дууссан.

Мэргэжилтнүүд түүнийг ямар нэгэн сэтгэл санааны өөрчлөлттэй байсан эсэхийг судалсаар байна.

Франкфуртын 12,500 хүнтэй жижиг хот болох Montabaur-д байдаг түүний эцэг эхийн байшин хэвлэл мэдээллийнхний хөлд дарагдаж, цагдаагийн ажилтнууд хамгаалалтад аваад байна.

Нисэхийн сургууль

Lubitz 14 настай байхаасаа л онгоцны нисгэгч болохыг хүсч LSC Westerwald нисгэгчийн клубд элсч, анхны нисгэгчийн үнэмлэхээ ASK-21 гэдэг нэртэй хоёр хүний суудалтай онгоц жолоодон сурч авч байжээ.

2007 онд ахлах сургуулиа тогсож Lufthansa-ийн нисгэгчийн сургуульд суралцаж, 6 жилийн өмнө төгсчээ. Ингээд өнгөрөгч 9-р сард Lufthansa-ийн охин компани болох Germanwings-д элсэн орсон байна.

Тэрээр бусдын л адил "аз жаргалтай" жирийн хүн байсан гэж түүний найз нөхөд, хөршүүд хэлжээ.

Хүмүүс түүнийг алан хядах үйл ажиллагаатай холбож, эсвэл амиа хорлосон гэж таамаглаж байгаа юм.

Онгоцны хар хайрцагны шинжээч Brice Robin хэлэхдээ "Онгоцны ослыг алан хядах үйл ажиллагаа, шашны үзэл суртлаас үүдсэн гэх ямар ч үндэслэл байхгүй. Хэрэв тэр амиа хорлохыг хүссэн бол 100 гаруй хүнтэй онгоцыг сүйрүүлэх хүсэхгүй байх байсан" гэжээ.