“Саусгоби сэндс” компанийг татвараас зайлсхийсэн хэмээн үзэж  анхан шатны шүүхээс 35 тэрбум төгрөг нөхөн  төлөх шийд  гаргасан. Гэвч  тус компанийнхан 35  тэрбум төгрөгийн хохирлыг манай улсад буцаан  төлөхгүй, шүүхийн шийдвэр нэг талыг  барьсан, шинжээчдийн дүгнэлт  буруу гарсан гэж үзээд давж заалдсан билээ. Давж заалдах шатны шүүх өчигдөр тэдний гомдлыг хэлэлцээд анхан  шатны шүүхийн шийдвэрийг хэвээр үлдээлээ. Шинжээчийн дүгнэлт буруу гарсан, шүүхийн шийдвэр нэг талыг барьсан гэж үзэх үндэслэл алга байна гэж шүүгчид үзжээ. Гэвч тус компанийнхан давж заалдах шатны шүүхийн шийдвэрийг эсэргүүцэн Дээд шүүхэд давж заалдана гэдгээ өмгөөлөгчөөрөө дамжуулан илэрхийллээ.

Б.Наран