Гавьяат жүжигчин Ж.Алтанцэцэг ээжийн үүргийг гүйцэтгээд өнгөрсөн хавраас хойш нам жим байгаа. Тэрбээр зургаан настай С.Номин-Эрдэнэ хэмээх охинтой. “Орчлон” сургуулийн нэгдүгээр ангид сурдаг охин нь таван настайдаа анх дуулж эхэлсэн гэнэ. Дуучин бүсгүй охиныхоо хүүхэд насыг гэрэл гэгээтэй дурсамжаар дүүрэн байлгахыг хүсэж, өөрийнх нь дуулсан дуунуудыг нэгтгээд төрсөн өдрөөр нь  “Би хүүхэлдэй” цомог хэвлүүлэн бэлэглэжээ.

Охиных нь дуунуудыг  Монголын хүүхдийн ордны багш С.Ганчимэг зохиож, “Prosound” студид хоолойг нь бичүүлсэн байна. Гавьяат маань одоогоор охиныхоо уран бүтээлээс “Би хүүхэлдэй”, “Урт наслаарай, ээж ээ” дууг дүрсжүүлээд буй.  

                                                                                                                            Г.Золзаяа