Гаалийн ерөнхий газрын нийт ажилтан, ажиллагсдын дунд зохион байгуулагддаг спортын олон төрөлт “Гаалийн цом-2015” тэмцээн 2015 оны 3 дугаар сарын 20-23 өдрүүдэд Монгол Улсын нийслэл Улаанбаатар хотноо амжилттай зохион байгуулагдаж өндөрлөлөө.

Энэхүү спортын олон төрөлт тэмцээн нь 2001 оноос эхлэн жил бүр сагсан бөмбөг, гар бөмбөг, ширээний теннис, билльяард, шатар гэсэн 5 төрлөөр 15 дахь дахь жилдээ зохион байгуулагдаж байна.

“Гаалийн цом-2015” тэмцээнд нийт гаалийн газар хороодын 200 гаруй тамирчид хурд хүч авхаалж самбаагаа сорин өрсөлдөж бахдам сайхан амжилт гаргасан юм.

Энэ удаагийн олон төрөлт тэмцээний нийт дүнгээр 1-р байр, Алтан медаль, Шилжин явах цомын эзнээр Гаалийн Ерөнхий Газрын баг тэргүүн байранд, 2-р байр, Мөнгөн медалийн эзнээр Улаанбаатар хот дахь Гаалийн Газрын баг, 3-р байр Хүрэл медалийн эзнээр Буянт-Ухаа дахь Гаалийн газрын баг тус тус шалгарлаа.