Гүрж улсын нийслэл Тбилис хотод болсон жүдо бөхийн олимпийн эрхийн оноо олгох "Гранпри" тэмцээнд 42 орны эрэгтэй 201, эмэгтэй 144 нийт 345 жүдоч өрсөлдөж буй.

Эхний өдрийн барилдаанд эрэгтэйчүүдийн 60 кг-д Ц.Цогтбаатар, Д.Амартүвшин, 66 кг-д Д.Төмөрхүлэг, Б.Батгэрэл, эмэгтэйчүүдийн 48 кг-д Э.Гэрэлтуяа, 52 кг-д А.Цолмон, 57 кг-д Д.Сумъяа нар зодоглосноос Д.Төмөрхүлэг, Д.Сумъяа нар жиндээ тэргүүлэн алтан медаль хүртэн, Д.Амартүвшин хүрэл медалийн эзэн боллоо.

Эхний өдөр үзүүлсэн амжилтаар хоёр алт, нэг мөнгөн медальтайгаар Монголын жүдочид Тбилисийн гранприг тэргүүлж байна. 

                                                                                                                 Г.Золзаяа