Казах түмний үндэсний баяр болох “Наурызын баяр”-ын өдрийг тохиолдуулан Баян-Өлгий аймгийн Залуучуудын Холбоо, МЗХ-ны дэргэдэх Казах Залуучуудын Зөвлөл хамтран өнөөдөр Барууны салааны эцэс дэх булаг шандны эхийг цэвэрлэх гэнэ.

Хаврын урь орж, байгаль дэлхий сэргэн, усны шувууд ирж, мал төллөн, амьтай бүхэн сэргэдэг энэ үед булаг шандны урсгалын эх ундаргыг сэргээн засаж цэвэрлэн, шинэ мод тарьж байгаль дэлхийгээ хайрлан шүтдэг энэхүү ёс заншил, уламжлалыг сэргээж, хот суурин газарт амьдардаг залууст таниулахад тустайгаар нөлөөлж байгаа юм.

Энэ зан үйл нь байгаль, хүрээлэн байгаа орчноо цэвэр байлгавал хишиг буянаа харамгүй хайрладаг гэсэн санаагаар үйлддэг байна.  Үүгээрээ хүн байгаль хоёр харилцаа холбоо, шүтэлцээтэй амьдардаг гэдгийг харуулдаг аж.

                                                                                                                      Г.Золзаяа