Азийн хоккейн холбооноос зохион байгуулж буй “Сhallenge Cup of Asia” тэмцээний хүрэл медалийн төлөө Монгол-Тайванийн багтоглож, 6:2 онооны харьцаагаар Монголын хоккейчид хожлоо.

Н.Мишигсүрэн дасгалжуулагчийн удирдлагад оролцсон манай хоккейчид эхний тоглолтод Макаогийн шигшээг 8:1-ээр хожсон ч АНЭУ-д (1:6), Тайландад (2:8) харьцаагаар хожигдсон. Харин Тайванийн баг мөн манай багтай адилхан амжилт үзүүлсэн. 

Энэхүү тоглолтод манай хоккейчид 6:2 (3-0, 0-2, 3-0) оноогоор илүүрхэн өрсөлдөгчөө сөхрүүлэв. Манай шайбтай хоккейн шигшээ баг “Сhallenge Cup of Asia” тэмцээнээс сүүлийн гурван жил дараалан хүрэл медаль хүртээд буй.

                                                                                                                      Г.Золзаяа