Тайванийн Тайпэй хотод Азийн хоккейн холбооноос зохион байгуулж буй “Сhallenge Cup of Asia” тэмцээнд оролцож буй Монголын шайбтай хоккейн шигшээ баг өчигдөр гурав дахь тоглолтоо хийв.

Монгол-Тайванийн тоглолт өчигдөр болж, 8:2 онооны харьцаагаар Тайвань улсын баг хожлоо. Тэмцээнийг Тайвань, АНЭУ-ын баг гурван хожилтой тэргүүлж байгаа бол Монгол, Тайландын баг нэг хожилтой аман хүзүүдэж явна.

Харин Макао улсын шигшээ баг дөрвөн хожигдол авч тэмцээнээ дуусгажээ. Өнөөдөр АНЭУ-Тайваны баг аваргын төлөө, Монгол-Тайландын баг хүрэл медалийн төлөө өрсөлдөж байна.

Хэрвээ Монгол-Тайландын багийн аль нэг нь хожвол тус тэмцээнээс хүрэл медаль хүртэх юм.

                                                                                                                         Г.Золзаяа