Аж үйлдвэрийн сайд Д.Эрдэнэбат орон нутагт ажиллах томилолтынхоо хүрээнд Алтанбулагийн худалдааны чөлөөт бүсийн үйл ажиллагаатай танилцсан юм. Харин тэрээр өчигдөр “Замын-Үүд” чөлөөт бүсийн захирагч Д.Батсайхан, “Алтанбулаг” чөлөөт бүсийн захирагчийн үүргийг түр орлон гүйцэтгэгч Ч.Чимэдсүрэн нарыг үүрэгт ажлаас нь чөлөөлөх шийдвэрийг гаргажээ. Д.Эрдэнэбат сайд Д.Баасандоржийг “Замын-Үүд” чөлөөт бүсийн захирагчийн үүргийг түр орлон гүйцэтгэгчээр, П.Тогтохбаярыг “Алтанбулаг” чөлөөт бүсийн захирагчийн үүргийг түр орлон гүйцэтгэгчээр томиллоо. Дашрамд дурдахад УИХ-аас шинэчлэн баталсан Чөлөөт бүсийн тухай хуулиар Аж үйлдвэрийн сайдын эрхлэх асуудалд чөлөөт бүсүүд хамрагдах болсон юм.