Энэ хичээлийн жилийн III улирлын амралт энэ сарын 28-наас эхэлнэ. Бага, дунд, ахлах ангийн сурагчид долоо хоног амрах бөгөөд дөрөвдүгээр сарын 6-наас хичээлдээ орох ажээ.

Харин хөдөө, орон нутгийн сургуулиудын улирлын амралтыг мал төллөх үеэр эцэг эхдээ туслах, уламжлалт ахуй, соёлоо өвлөх боломжийг нь бүрдүүлж өгөх үүднээс БСШУЯ өөрчилжээ.
 
Тодруулбал, бага анги буюу I-V анги гуравдугаар сарын 21-нд амарч, дөрөвдүгээр сарын 12-нд орох бол дунд анги буюу VI-IX анги гуравдугаар сарын 21-нд амарч, дөрөвдүгээр сарын 5-нд орно. Харин Ахлах анги буюу X-XII анги гуравдугаар сарын 14-нд амарч, Гуравдугаар сарын 29-нд орох юм байна.