Хойд хөршийн Санкт-Петербург хотод болсон чөлөөт бөхийн эмэгтэйчүүдийн Дэлхийн цомын тэмцээнд оролцсон Монголын бөхчүүд хүрэл медалийн болзол хангав.

ОХУ-ын дараагаар хэсэгтээ хоёрдугаар байр эзэлсэн манайхан хүрэл медалийн төлөө АНУ-ын хүчирхэг багтай учраа таарсан ч 5:3-аар буулган авсан.

Эхний дөрвөн барилдааны дараа хоёр багийн хожлын харьцаа 2:2-оор тэнцүү явсан ч дэлхийн аварга С.Цэрэнчимэд, С.Батцэцэг, ДАШТ-ий гурван хүрэл медальт О.Насанбурмаа нар дараалан ялалт байгуулснаар ялах нь тодорхой болсон юм.

Дэлхийн цомын шигшээ барилдаанд ОХУ, Японы баг өрсөлдөж, Ази тивийн төлөөлөгчид 5:2-оор илүүрхэн ялж аваргаллаа.

                                                                                                                      Г.Золзаяа