Олон улсын оюутны спортын холбоо (FISU)-ноос зохион байгуулж буй муайтай боксын оюутны ДАШТ энэ сарын 18-23-нд Тайландын нийслэл Бангкок хотод болно.

Монгол Улсаас уг тэмцээний 51 кг-д Б.Өлзийбаатар (Аварга ДС), 54 кг-д Б.Батхүлэг (МҮИС), 60 кг-д Б.Гантогтох (МҮИС), эмэгтэйчүүдийн 51 кг-д Б.Номин-эрдэнэ (ШУТИС) нар өрсөлдөх нь. Баг тамирчдыг ОУХМ О.Алтанпүрэв дасгалжуулах бол Бангкокийн ДАШТ-д Б.Алхаабаатар шүүгчээр ажиллахаар болжээ.

Өнгөрсөн сарын 19-22-нд ОХУ-ын Эрхүү хотын "Байгаль" спортын цэнгэлдэх хүрээлэнд зохион байгуулагдахад Монголын ширэн бээлийтнүүдээс 60 кг-ийн жинд тулалдсан Б.Гантогтох аваргалж, 54 кг-д өрсөлдсөн Б.Батхүлэг мөнгөн медаль хүртсэн билээ.

                                                                                                                Г.Золзаяа