Булган аймаг 1000 морин хуурчтай болох зорилго өмнөө тавьжээ. Морин хуур хөгжмийг түгээн дэлгэрүүлж, сурталчлан таниулахаар “Морин хуур” дэд хөтөлбөр хэрэгжүүлж буй тус аймаг 2013 онд наадмынхаа нээлтийн арга хэмжээнд 108, 2014 онд 333 хуурчаар морин хуур тоглуулж байсан аж.

Тэгвэл энэ жилийн наадмаар 600, цаашид тоог нь нэмсээр 1000 хуурчийн тоглолт хийхээр төлөвлөжээ. “Морин хуур” дэд хөтөлбөр хэрэгжүүлэхэд 59 сая төгрөг зарцуулахаар болсон гэнэ.

Үүний 95.7 сая төгрөгөөр Улаанбаатар хот дахь “Эгшиглэн магнай” хөгжмийн үйлдвэрээс 435 морин хуур авах гэрээ байгуулсан байна. Мөн 225 хуурчийн хувцас хийлгэж байгаа тул 230 багш бэлтгэн, 467 хүүхэд,  201 том хүнд морин хуур заалгаж буй.