Өмнөд Солонгост АНУ-аас суугаа онц бөгөөд бүрэн эрхт элчин сайд Марк Липерт рүү Солонгосын хэт үндсэрхэг үзэлтэн этгээд хутга барин халдаж, нүүрэн тус газар болон гарт нь шархдуулсан байна. Марк Липерт 42 настай бөгөөд халдлага болсны дараахан эмнэлэгт хүргэгдсэн гэнэ.

Хэдийгээр манай улсын Элчин сайдын аминд хүрэхээр гэмтээгээгүй ч гэлээ энэ бол хүчирхийлэл. Энэ мэт халдлага дахин гарвал бид Элчин сайдын яамдаа татах болно хэмээн Вашингтоны төрийн департементын төлөөлөгч Мэри Харф мэдэгдсэн байна. Гэмт хэрэгтнийг цагдаагийн газар саатуулаад байгаа бөгөөд 55 настай Ким Ки Жонг гэх этгээд юм байна. Тэр өмнө нь Японы Элчин сайдын амь насанд халдахаар завдаж байжээ. Гэмт этгээдийн хэрэг үйлдэхээр завдсан хутга нь 18 см урттай том оврын хутга байжээ.