Тайландын “Краби” багтай гэрээ байгуулж, Монголын анхны мэргэжлийн хөлбөмбөгчин болсон А.Мөрөн Серби улсын мэргэжлийн багуудад шалгуулахаар Белград хотод 21 хоногийн турш бэлтгэл хийсэн байна.

Сербийн хөлбөмбөгийн лиг энэ сарын 7-нд эхлэх тул тэрбээр чөлөөт агентын хувиар I лигийн нэгэн багтай гэрээ байгуулах урьдчилсан тохиролцоонд хүрчээ.

Түүнийг энэ долоо хоногийн баасан гаригт гэрээнд гарын үсэг зурж, албан ёсоор баталгаажуулсны дараа клубийн нэрийг зарлах аж.

Сербийн лиг Европын топ лигүүдийн түвшинд хүрээгүй ч эндээс олон сайн тоглогч Англи, Герман, Италийн лигийг жил бүр зорьдог аж. А.Мөрөн Сербийн лигийн тоглолтын дараа Монголдоо ирж, Зүүн Тиморын багтай өрсөлдөх тоглолтод оролцчихоод буцах гэнэ. 

                                                                                                                      Г.Золзаяа