Монголын Үндэсний хөлбөмбөгийн шигшээ баг 2018 оны ДАШТ-ий  урьдчилсан шатны тоглолтод оролцохоор өнгөрсөн нэгдүгээр сарын 16-аас бэлтгэлээ базааж эхэлсэн.

Тэгвэл Малайзын нийслэл Куала Лампур хотод явагдсан сугалаагаар манай үндэсний шигшээ баг Зүүн Тиморын улстай энэ сарын 12-нд эхний тоглолтоо хийж, 17-нд эх орондоо хариу тоглолт хийх юм.

Үндэсний шигшээ багийн ахлах дасгалжуулагчаар “Үндэсний Нийслэл Лиг-2014” тэмцээний ялагч, “Хоромхон” клубийн дасгалжуулагч АХБХ-ны дасгалжуулагчийн “В” зэрэглэлтэй С.Пүрэвсүх, туслах дасгалжуулагчаар Б.Ганбат, хаалгачийн дасгалжуулагчаар Ш.Баянжаргал нар  томилогдон ажиллаж байгаа. Тэд энэ сарын 8-нд буюу Олон улсын эмэгтэйчүүдийн баяраар Зүүн Тимор руу жолоо залах нь.

                                                                                                                   Г.Золзаяа