Өнгөрсөн жил АНУ-ын булхайг дэлхий дахинд задлан Барак Обамаг хүнд байдалд оруулсан АНУ-ын үндэсний аюулгүй байдлын газрын ажилтан Эдуард Сноуден ОХУ-д түр орогнож байгаа билээ. Тэгвэл тэрээр нутаг буцахыг хүсдэг болсон талаар түүний Орос дахь өмгөөлөгч Анатолий Кучерена мэдэгдсэн байна. Тэрээр Герман болон Бразилаас орогнолын зөвшөөрөл хүссэн бөгөөд ОХУ түүний амьдрах хугацааг сунгасан ч нутагтаа эргэн очихыг хүсэх болжээ. Сноуден АНУ-д очвол улсын нууц задруулсан хэргээр ял сонсох нь гарцаагүй билээ.