Өнгөрсөн долоо хоногт АНУ-ын нийслэл Вашингтон хотноо болсон Атлантын цэргийн зөвлөлийн хуралдааны үеэр АНУ-ын цэргийн генерал Жон Аллен Сири улсад 15 000 цэрэг бэлтгэх болсоноо мэдэгджээ. Ингэхдээ Сирийн сөрөг хүчнийхнийг бэлтгэн цэрэг армийн түвшинд хүргэхээ амласан байна. Учир нь тус улсад иргэний дайн гарсаар 4 жил өнгөрөхөд Сирийн ерөнхийлөгч Башар Асадын эсрэг тэмцэгч сөрөг хүчин хамгийн ихээр хэлмэгдэн хохирол амссан билээ. Ийнхүү 15 000 өндөр бэлтгэгдсэн армитай болсноор тэд Исламын улсын халдлагад өртөх үед бэлэн байдалд байж тэдэнтэй тэмцэх бас нэгэн боломж бүрдэнэ хэмээн мэдэгдэж байгаа юм. Энэхүү цэргийн бэлтгэл нь 3 жилийн хугацаатай үргэлжлэх бөгөөд жилд 5000 мянган цэрэг сургах юм байна.