Татварын хэргээр шүүхээс ял сонссон Саусгоби сэндс компанийн удирдлагууд Ерөнхийлөгчийн уучлалаар суллагдаж нутаг буцаад буй. Ерөнхийлөгч тэдэнд уучлал үзүүлэхдээ 35 тэрбум төгрөгийн мөнгөн торгуулийн ялыг хэвээр үлдээсэн билээ. Тэгвэл тус компанийн зүгээс уг торгуулийн хэмжээг үндэслэлгүй хэмээн үзэж Дүүргийн эрүүгийн хэргийн давж заалдах шатны X шүүхэд ханджээ. Торгууль тогтоосон шинжээчдийн дүгнэлт Татварын болон бусад хуулийг зөрчсөн, үндэслэлгүй шийдвэр гэж “Саусгоби сэндс” үзсэн байна. Шүүх хурлын тов номдол ирснээс хойш 30 хоногийн дотор гарах хуультай.

Б.Сувд